छोराको जन्मदिनमा अनाथालयमा खाद्यान्न सहयोग

-विकास सिह महता
कञ्चनपुर, ९ जेठ ।
नेपाल विद्यार्थी संघ कञ्चनपुरका युवा नेता ईन्द्र सिह साउदले छोराको जन्मदिनको अवसरमा अनाथालयमा खाद्यान्न वितरण गरेका छन् । नेवि संघ नेता साउदको छोरा मोहित साउदको दोस्रो जन्मदिनका अवसर पारेर अनाथालयमा खाद्यान्न सहयोग गरीएको हो ।
नेता साउदका अनुसार अनाथालयमा १०किलो आलु, १०किलो प्याज, ५ किलो टमाटर, ५ किलो सोयाबिन, मिठाई एव केरा वितरण गरिएको छ । ‘छोराको जन्मदिनका अवसरमा अनाथालयको आवश्यकता अनुसार केही तरकारी खाद्यान्न र फलफुल सहयोग गरेको छु, ‘उनले भने, ‘जन्मदिनका समयमा लकडाउन भएकाले संकटग्रस्त क्षेत्रमा सहयोग गरेको हुँ ।’ जन्मदिनका अवसरमा हुने फजुल खर्च कटाएर अनाथ बालबालिकालाई सम्झिएपछि नेवि संघ नेता साउदप्रति अनाथालयले आभार प्रकट गरेका छन् ।