बहत्तर जिल्लामा फैलियो कोरोना, संक्रमितको संख्या ५ हजार ३३५ पुग्यो

काठमाडौ, ३१ जेठ ।
नेपालमा ७२ जिल्लामा कोरोना संक्रमण देखिएको छ। पछिल्लो २४ घण्टामा नेपालमा दुई सय ७३ कोरोना संक्रमित थपिएका छन्। संक्रमितमध्ये दुई सय ३७ जना पुरुष र ३६ जना महिला रहेका छन्।
बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले देशभरका विभिन्न प्रयोगशालामा गरिएको परीक्षणमा दुई सय ७३ जनाको पीसीआर रिपोर्ट पोजिटिभ आएको बताए।
योसँगै नेपालमा कोरोना संक्रमितको संख्या ५ हजार तीन सय ३५ पुगेको प्रवक्ता गौतमले जानकारी दिए।