कञ्चनपुरमा जलेको ट्यांकरमा ठोकिएर मोटरसाइकल दुर्घटना, दुई जना गम्भीर घाइते

-सुनिलकुमार लो
कञ्चनपुर, ३० असार ।
पुनर्वास नगरपालिका वडा नम्बर १ धनगढी-बेलौरी हुलाकी मार्गमा जलेको ट्यांकरमा मोटरसाइकल ठोकिएर दुईजना घाइते भएका छ्न ।
गए राती करिब ९.३० बजेतिर बेलौरीबाट धनगढी आउँदै गरेको अवस्थामा सो दुर्घटना भएको हो । घाइते हुनेमा कैलाली राजीपुरका बिशाल चौधरी (वर्ष २८) र कैलाली रतनपुरका छोटेलाल चौधरी(बर्ष३०)का रहेका छ्न । उनीहरूले अत्यधिक मादक पदार्थ सेवन गरेर मोटरसाइकल चलाएको प्रहरीले जनाएको छ । से ३ प ३७९७ नम्बरको मोटरसाइकलमा सवार उक्त मोटरसाइकल जलेको ट्यांकरमा ठोकिएको थियोे ।
गत असार १९ गते पुनर्वास ९ का एक पुरुषलाई किचेपछी आक्रोशित स्थानीयले दुई वटा ट्यांकर जलाएको थियोे । सो ट्यांकर क्षतविक्षत अवस्थामा सडक छेउ रहेको छ ।
घाईतेहरुको उपचार स्थानीय पुनर्वास पोलिक्लिनिकमा भईरहेको र उनीहरुको अवस्था हाल खतरामुक्त रहेको ईलाका प्रहरी कार्यालय, पुनर्वासका ईञ्चार्ज वकिल बहादुर सिंहले जानकारी दिएका छन ।