कञ्चनपुर बेलौरीकी पूजा मोडलिङ क्षेत्रमा जम्दै

-सुनिलकुमार लो
कञ्चनपुर । पछिल्लो समय कलाक्षेत्रमा जम्न राजधानी काठमाडौ नै जानुपर्छ भन्ने मान्यता हटेको छ । प्रविधिको विकाससंगै मोफसल ग्रामीण क्षेत्रका प्रतिभाहरुले वर्तमान कला क्षेत्रमा आफ्नो स्थान बनाईरहेका छ्न ।
यसैको उदाहरण बन्न सफल
नव प्रतिभाको नाम हो, पूजा अधिकारी ।

सुदुर कञ्चनपुर बेलौरीकी बासिन्दा पूजाले आफ्नै क्षेत्रमा बसेर आफ्नो कलायात्रालाई अगाडि बढाईरहेकी छिन । कलाकारमा हुनुपर्ने अभिनय र नृत्य क्षमता भरपुर सुन्दरी पूजाले गत दुई वर्षदेखि कलायात्रालाई निरन्तरता दिईरहेकी छिन । "आफुमा प्रतिभा भए जहाँबाट पनि चर्चामा आउन सकिदोरहेछ" हामीसंगको भेटमा पूजाले भनीन ।
चारवटा म्यूजिक भिडियोमा काम गरीसकेकी पूजाको तिनवटा भिडियो युटुबमार्फत रिलिज भईसकेको र एउटा भिडियो प्रदर्शनको तयारीमा रहेको उनले जानकारी गराईन ।

विशेष गरि सुदुरपश्चिमको देउडा गीतमा अभिनय गर्ने पूजाले अभिनय गरेका हरेक भिडियोहरु चर्चामा आउन सफल देखिन्छन् । उनले अभिनय गरेको रेखा जोशी र चक्र साउदले गाएको "साईका हात", गोपाल जिएमले गाएको "सुखै सुख" गीतले हजारौं दर्शकको मन जित्न सफल भएको छ । उनका भिडियोहरु हेर्दा उनको अभिनय क्षमताको प्रशंसा नगरी कोहि बस्नै सक्दैनन् ।

त्यसैगरी पछिल्लो समय निकै चर्चा कमाएको भिडियो हो "राम साईला"।
भिडियोमा पूजालाई भिम खडकाले साथ दिएका छ्न । जसमा अहिले निकै चर्चामा रहेकी गायिका एलिना चौहानले स्वर दिएकी छिन भने गितमा नरेश बिबिसीले एलिनालाई साथ दिएका छन ।
https://youtu.be/FqJL6eMkIUg