पुनर्वासमा आमाछोराले संगै विष सेवन गरे, छोराको मृत्यु

कञ्चनपुर, १२ भाद्र ।
 पुनर्वास १, गणेस बस्तीमा एउटी आमाले आफूसंगै विष खुवाएका आफ्नै छोराको शुक्रबार विहान मृत्यु भएको छ । आमा निर्मला रानाले छोरा एसिल रानालाई बिहीबार दिउँसो आफूसंगै बच्चालाई विष खुवाएकी थिइन् ।
विष सेवनपछि आमा र बालक दुवैलाई धनगढीस्थित सेती अस्पतालमा गरिएको थियो । अस्पतालमा उपचारका क्रममा ८ वर्षिय छोराको शुक्रबार विहान मृत्यु भएको हो ।
विषय सेवनबाट बेहोस भएकी निर्मला भने होसमा आएकी छन् । जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमर बहादुर थापाले आमाले आफूसंगै बालकलाई पनि सल्फास खुवाएको बताए ।
‘के कारणले खाएको रहेछ खुल्न सकेको छैन’ उनले भने,‘त्यसको खोजबिन गर्दैछौ ।’ उनले आमा होसमा आएकाले विष सेवनको कारण खुल्ने बताए ।