पुनर्वासमा करेन्ट लागि एक जना सख्त घाइते

-यम प्रसाद आचार्य
कञ्चनपुर, १२ भदौ ।
कञ्चनपुरमा विद्युत करेन्ट लागेर एकजना सख्त घाइते भएका छ्न । पुनर्वास नगरपालिका ५ भानु बस्ती निवासी ४५ बर्षिया पार्वतीदेवी भण्डारी करेन्ट लागी घाइते भएकी हुन ।
घर नजिकैको बकैनाको रुखमा चढेर घाँस काटने क्रममा दिउँसो २.३० बजेतिर करेन्ट लागेको थियोे ।
करेन्ट लागेको थाहा हुनेबित्तिकै बेलौरीस्थित विद्युत कार्यालयमा खबर गरि विद्युत सप्लाई रोकेपछि उहाँलाई घरका सदस्यहरुले उद्धार गरेको स्थानीय प्रत्यक्षदर्शीहरुले बताएका छ्न ।
करेन्ट लागि रुखबाट खसेपछी उहाँलाई बेहोसीको अवस्थामा धनगढीस्थित नवजीवन अस्पतालमा पुरयाईएको थियोे । तर उहाँको अवस्था गम्भीर भएकाले कोहलपुर मेडिकल कलेज रिफर गरिएको छ ।
टाउको र ढाडमा चोट लागेको तथा दुवै खुट्टाहरु नचल्ने भएको सामाजिक अभियन्ता तथा छिमेकी हिमेश थापाले हाम्रै साझा पत्रिकालाई जानकारी गराएका छ्न ।