गाईजात्राको अवसरमा हाँस्य व्यङ्ग्यात्मक कविता वाचन कार्यक्रमको आयोजना

कञ्चनपुर, २१ साउन ।
पुनर्वासमा पहिलो चोटि गाईजात्राको अवसर पारेर हाँस्य व्यङ्ग्यात्मक कविता वाचन कार्यक्रमको आयोजना गरिएको छ ।
गत बुधबार पुनर्वास जनता मा.वि. मा सम्पन्न भएको कार्यक्रमको आयोजक भने ज्योति सामुदायिक पुस्तकालय, पुनर्वास ६ थियोे ।
कार्यक्रममा स्थानीय चौध जना स्रष्टाहरुले कवितावाचन गरेका थिए । त्यसैगरी कार्यक्रममा देशभित्र र बाहिरबाट समेत विभिन्न श्रष्टाहरुले आफ्ना रचनाहरु पठाएका थिए । जसलाई कार्यक्रममा वाचन गरिएको थियो ।
कार्यक्रममा विद्यार्थी अग्रणी पोखरेल पुरस्कृत भएकी थिईन । कार्यक्रमको अध्यक्षता ज्योति सामुदायिक पुस्तकालयका अध्यक्ष रामचन्द्र नेपालले गरेका थिए भने कार्यक्रमको सञ्चालन संस्थाका सचिव महेन्द्र बहादुर बस्नेतले गरेका थिए ।