कञ्चनपुर, ३० भदौ ।
राष्ट्रिय बाल दिवस २०७७ अवसरमा पुनर्वास नगरपालिकाद्वारा आयोजना गरिएको माध्यमिक विद्यालय स्तरीय वक्तृत्वकला प्रतियोगितामा जनकल्याण मा.वि. आईबिआरडीले प्रथम स्थान ल्याउन सफल भएको छ । कक्षा नौमा अध्ययनरत छात्रा सान्त्वना लोले प्रतियोगितामा सबैलाई उछिनेर प्रथम स्थान ल्याउन सफल भएकी हुन ।
"कोभिड १९ का कारण बालबालिकाको शिक्षा र स्वास्थ्यमा परेको असर र न्यूनीकरणका उपायहरु" शिर्षकमा गरीएको वक्तृत्वकला प्रतियोगितामा पुनर्वास नगरपालिकाका आठ विद्यालयले सहभागीता जनाएका थिए ।
प्रतियोगितामा प्रथम पुरस्कार नगद पाँच हजार राखिएको थियो ।
पुरस्कार वितरण कार्यक्रम पश्चात् आफ्नो मन्तव्य राख्नुहुँदै पुनर्वास नगरपालिकाका प्रमुख जीवनराज थापाले बालबालिकाको हौसला बढाउन र शैक्षिक गतिविधिलाई निरन्तरता दिन नगरपालिकाले वक्तृत्वकला प्रतियोगिता सञ्चालन गरेको जानकारी गराउनुभयो । कोरोना महामारीलाई मध्यनजर गर्दै भिडभाड कम होस भन्ने हेतुले हाललाई सामुदायिक माध्यमिक विद्यालयको विचमा मात्र प्रतिस्पर्धा गराईको र निकट भविष्यमा कोरोनाको महामारी सकिने बित्तिकै संस्थागत र सामुदायिक विद्यालय बिच विभिन्न क्रियाकलापमा प्रतिस्पर्धा गराईने समेत नगरप्रमुख थापाले जानकारी गराउनुभयो ।
No comments:
Post a Comment