पुनर्वासमा मर्निङ वाकको नाममा छाडापन बढ्दै, कोरोना संक्रमण फैलने भन्दै स्थानीय चिन्तित

-यम प्रसाद आचार्य
कञ्चनपुर, १५ असोज ।
पुनर्वासको आईबिआरडी बजार वरपर मर्निङ वाकको नाममा छाडापन बढदै गएपछि स्थानीय चिन्तित बनेका छ्न । पुनर्वासको  पैसट्ठी बिगाह चौर र त्यस वरपरका  सडकमा  विहान साढे चार बजेदेखि किशोरकिशोरी र  युवायुवतीको अत्यन्तै भिडभाड हुने भएपछि कोरोना संक्रमण फैलन सक्ने भन्दै स्थानीय त्रसित बनेका छ्न ।
  बिहान साढे चार बज्न नपाउँदै बाटोमा होहल्ला  गरेर  हिडेपछी वातावरण नै कोलाहलमय भएको छ भने  अध्याँरोको फाईदा उठाएर कतिपय किशोरकिशोरी युवायुवती अनैतिक कार्यमा समेत  लागेको स्थानीयले गुनासो गरेका छ्न ।
"मर्निङ वाकको नाममा अनैतिक कार्य हुनुका साथै कोरोनाको जोखिम पनि बढेको छ" नमूना कालिका बहुमुखी क्याम्पसका प्राचार्य विनोद कुमार केसीले बताए ।  यसले सामाजिक मर्यादालाई भङ्ग गर्नुका साथै  समाजमा छाडापन बढाएको र कोरोनाको जोखिमलाई बढाएको प्राचार्य केसीको भनाइ छ ।
जिल्ला प्रशासन कार्यालय कञ्चनपुरले विज्ञप्ती प्रकाशन गरि निषेधाज्ञालाई थप कडा बनाउने निर्णय गरेको भएपनि पुनर्वासको आईबिआरडी क्षेत्रमा भने भिडभाड बढेको तर्फ सरोकारवालाहरुको ध्यान  गएको देखिदैन ।