बेलौरी नगरपालिका कार्यालयमा गुनासो पेटिका स्थापना, सबै शाखामा पनि स्थापना गरिने!

 

कञ्चनपुर, २७ कार्तिक । कञ्चनपुरको दक्षिणी क्षेत्र स्थित बेलौरी नगरपालिका कार्यालयमा गुनासो पेटिका स्थापना गरिएको छ । सार्वजनिक सेवा तथा क्षमता विकास समितिको अनुगमन पछि नगरपालिका कार्यालयमा गुनासो पेटिका स्थापना गरिएको हो!                                                        बिहिवार एक कार्यक्रमका विच नगरपालिका कार्यालयमा नगर प्रमुख पोतिलाल चौधरी र प्रमुख प्रशासकीय अधिकृत खेम प्रसाद चौधरीबाट बुधबार गुनासो पेटिकाको उद्घाटन गरिएको हो । गुनासो पेटिकाको उद्घाटन गर्दै नगर प्रमुख चौधरीले नगरपालिकालाई जन मैत्री बनाउन गुनासो पेटिकाले ठूलो भुमिका खेल्ने बिश्वास व्यक्त गर्नु भयो । नगरपालिका बाट हुने सेवा प्रवाहमा कुनै पनि कुरामा गुनासो भए प्रत्यक्ष रुपमा भन्न र भन्न नसके पेटिकामा गुनासो राख्न अनुरोध गर्नुभयो। नगरपालिकाले सबैको गुनासोलाई नजिक बाट सुनाई गर्ने बिश्वास दिलाउनु भएको छ !                                                गुनासो पेटिका नगरपालिका अन्तर्गतका सम्पूर्ण शाखाहरूमा पनि राखिने सार्वजनिक सेवा तथा क्षमता विकास समितिकी संयोजक तुलसी श्रेष्ठले जानकारी दिनुभएको छ । यसअघि नगरपालिका कार्यालयमा सुझाव पेटिका समेत राखिएको भएपनि नागरिकका सुझावहरू निक्कै कम आउने गरेका छन् । नगरपालिका कार्यालयबाट प्रवाह गरिने सेवाहरू प्रति नागरिकका कुनै गुनासो वा सुझाव भए पेटिकामा राख्न समेत नगरपालिकाले सार्वजनिक अनुरोध गरेको छ ।