मोटरसाइकल दुर्घटनामा परी एकैघरका दाजुभाइको मृत्यु !

 

असोज २७ बर्दिया /मोटरसाइकल दुर्घटनामा परेर दाजुभाईको ज्यान गएको छ । दुर्घटनामा ठाकुरबाबा नगरपालिका वडा नं ३ नेउलापुरका २१ वर्षीय आशिष थारू र १९ वर्षीय सौरब थारूको ज्यान गएको हो ।                                         बुधबार राति करिव १० बजे पूर्व पश्चिम राजमार्गअन्तरगत बाँकेको मुगुवा खोला नजिकै मोटरसाईकल दुर्घटना परेको ईलाका प्रहरी कार्यालय कोहलपुरले जनाएको छ । राजमार्गमा रोकिराखेको ना ३ ख ६३९ नम्बरको ट्रकमा ना ५५ प ९७५६ को मोटरसाइकल ठोक्किदा मोटरसाइकलमा सवार दाजुभाइको ज्यान गरेको प्रहरीले जनाएको हो ।