खानेपानी मन्त्री बिना मगर सहित सात मन्त्रीद्वारा सामूहिक राजीनामा

काठमाडौं: प्रधानमन्त्री केपी शर्मा ओलीको मन्त्रिमण्डलमा रहेका खानेपानी मन्त्री बिना मगर सहित ७ जना मन्त्रीहरुले आज सामूहिक राजीनामा दिएका छन् ।

कार्यकारी अध्यक्ष पुष्पकमल दाहाल ‘प्रचण्ड’ र बरिष्ठ नेता माधवकुमार नेपाल पक्षधर मानिनु हुने सात मन्त्रीहरूले अपरान्ह साढे ४ बजे सामूहिक राजीनामा दिएका हुन् ।

उनीहरूले सिंहदरबारमा रहेको विकास समितिको हलमा पत्रकार सम्मेलन गरेर राजीनामा दिएका हुन् ।

राजीनामा दिने मन्त्रीहरूमा खानेपानी मन्त्री बिना मगर सहित  उर्जा जलस्रोत तथा सिचाइ मन्त्री वर्षमान पुन, शिक्षा, विज्ञान तथा प्रविधि मन्त्री गिरिराजमणि पोखरेल, वन तथा वातावरण मन्त्री शक्तिबहादुर बस्नेत, श्रम तथा रोजगार मन्त्री रामेश्वर राय यादव, संस्कृति,पर्यटन तथा नागरिक उड्डयन मन्त्री योगेश भट्टराई र कृषि तथा पशुपन्छी विकास मन्त्री घनश्याम भुसाल रहेका छ्न ।