कञ्चनपुर, ११ जेठ ।
पुनर्वासको वडानम्बर ९ ले सार्वजनिक सुनुवाइ कार्यक्रमको आयोजना गरेको छ । वडाध्यक्ष तथा वडासदस्यहरुले पदभार ग्रहण गरेको एक वर्ष पूरा भएको अवसर पारेर सो सार्वजनिक सुनुवाइ कार्यक्रमको आयोजना गरिएको हो ।
वडामा रहेका समस्या र त्यसको समाधानका उपायहरू बारे सम्बन्धित सरोकारवाला व्यक्तिहरुसंग बसेर अन्तर्कृया गरीएको सो कार्यक्रममा विद्यालय, स्वास्थ्य चौकी,खेलकुद,प्याराताल, सिमा, बाटोघाटो लगायतमा रहेका समस्याहरुबारे छ्लफल गरिएको थियो ।
सार्वजनीक सुनवाई कार्यक्रममा बोल्दै पुनर्वास–९ वडा अध्यक्ष नर बहादुर बि.क.ले आफूले चुनावका बेला बोलेका वाचाहरूलाई प्राथमिकतामा राख्दै अघि बढेको बताउनुभयो । उहाँले चालु आर्थिक वर्ष २०७९/८० मा वडामा भएका कामहरु प्रस्तुत गर्नुभएको थियो ।
पुनर्वासका वरिष्ठ पत्रकार दीपेन्द्र बस्नेतले प्यारातालको महत्त्व नेपाल सरकारले बुझ्न नसकेको तर भारतले यसको महत्त्वलाई बुझेर हडपेको बताउनुभयो ।
No comments:
Post a Comment