कलाकार दुर्गा भट्टको मुख्य अभिनय रहेको गीत जाँदैछु विदेश सार्वजनिक भएको छ । आर्थिक समस्याका कारण नेपालीहरुले विदेशिनुको पिडा उक्त गीतमा देखाइएको छ । गीतमा श्रीमानको भुमिका रहेका रोबर्ट सिंह बडैलाले साहुको ऋण तिर्न नसक्दा घरमा भएको मोटरसाइकल नै हडेपेर लगेको कारुणिक दृश्यलाई अत्यन्तै सुन्दर तरीकाले प्रस्तुत गरिएको छ ।
त्यस्तै श्रीमतीको भुमिकामा रहेकी दुर्गा भट्टले आफ्नो लाउँलाउँ खाउँखाउँ भन्ने उमेरमा जिवनसाथी बाध्यताले परदेशीदा मन असाध्यै दुखेको र गाउँघरमा बस्न असहज भएको अभिनयमा व्यक्त गरेकी छन् ।
"जाँदैछु विदेश" गीतमा स्वर सुवास दियालीको रहेको छ भने शब्द तथा संगीत समशेर दियालीको रहेको छ । ओएसआर डिजिटलबाट सार्वजनिक गरिएको उक्त गीत सदाबहार गीत भएकोले दर्शकले बिस्तारै माया गर्ने कलाकार दुर्गा भट्टले बताइन ।
को हुन दुर्गा भट्ट?
भनिन्छ नि खाने मुखलाई जुँगाले छेक्दैन भनेर ,तपाईंसँग काम गर्ने इच्छाशक्ति छ भने जस्तोसुकै अभाव र पिडाले त्यसलाई रोक्दैन एकदिन सफलता जसरी नि मिल्छ । हो त्यस्तै भएको छ कलाकार दुर्गा भट्टलाई । कृष्णपुर नगरपालिका वडा न ८ बिचवा निबासी बुवा नारद प्रसाद भट्ट र आमा बिस्नादेवी भट्टको कोखबाट जन्मीएकी दुर्गा भट्ट कलाकारीतामा लागेको झण्डै ६ वर्ष पुगेको छ ।
विद्यालय जिवनदेखी नै टेलिभिजनको पर्दामा देखिने रहर पालेकी भट्ट अहिले डिजिटल प्लेट फार्म मार्फत दर्शक श्रोतामा माझ सकृय रूपमा देखिन थालेकि छन् । ६ वर्षको कलाकारीतामा उनले दर्जनौं म्युजिक भिडियोमा अभिनय गरीसकेकी छन् । पछिल्लो समय उनको मुख्य अभिनय रहेको जाँदैछु विदेश गीत सार्वजनिक भएको छ । सुरुमा छोडी जाने निस्टुरी गीतमा सानो भुमिका पाएकी उनले पछि चर्चित कलाकार शंकर बिसीसँग जस्ले जे भन्छ नाँच्छु मजाले तीज गीतमा अभिनय गर्न पाउँदा अत्यन्तै खुशी भएको अनुभव सुनाइन ।
देशकै लोकप्रिय कलाकारसँग सो तीज गीतमा अभिनय गर्दा दर्शक स्रोता माझ चिनाउन सफल भएको उनी बताउँछन् । मलाई कलाकार नै बन्नु थियो त्यसैले अत्यन्तै दुःख गरियो अहिले पनि लोकप्रिय हुन नसकेनी आफुलाई सन्तुष्टि भने मिलेको दुर्गा बताउँछिन । आफुले अभिनय गरेका म्युजिक भिडियो दर्जनौं सुटिङ भए तर के कति कारणले ती सबै सार्वजनिक भएनन थाहा छैन आशा छ कुनैदिन ती सबै सार्वजनिक हुनेछन् ।
डडेलधुराबाट तत्कालीन रैकवार बिचवा गाविस कंचनपुरमा बाआमा बसाइँसराइ गरेर आउँदा दुर्गा जम्मा ७ वर्षकी थिइन । आर्थिक अवस्था सामान्य रहेका कारण उनले कक्षा १ देखि एस एल सीसम्म स्थानीय कन्चन माध्यमिक विद्यालयमै पढिन । त्यतिबेला गेटामा रहेको सरस्वती मावि अत्यन्तै लोकप्रिय विद्यालय भएकोले उनले पनि साथीहरूसँग ११ र १२ त्यतै पढिन । उमेर बढ्दै गयो १२ को पढाइ सकेपछि आफ्नो खर्च पनि कसरी धान्ने भन्ने उनलाई पिरले सताउन थालेपछि अत्तरीयामा रहेको एउटा स्थानीय पत्रीकामा बजार प्रतिनिधिको रूपमा काम गर्न थालिन त्यहाँ पनि काम असाध्यै गर्नुपर्ने तर पारिश्रमिक भनेजस्तो नपाएपछि छोडिदिइन, उनले पुनः इन्स्योरेन्समा एजेन्ट भएर काम गर्न थाकिन त्यहाँ पनि दुर्गालाई सन्तुष्टि मिलेन ।
त्यसपछि भने उनले परिवारको आर्थिक अवस्था कमजोर भएका कारण पढाइलाई निरन्तरता दिन सकिनन बरु उनमा कलाकारिताबाट नाम कमाइन्छ राम्रो गरे दाम पनि भन्ने हुटहुटी जाग्यो र २०७४ सालबाट कलाकारीतामा होमिइन । सुरुमा सुदूरपश्चिमका विभिन्न मेला महोत्सवमा उनले आफ्नो नृत्य देखाउन थालिन जसोतसो १ वर्ष उनले यतै गुजारिन ,त्यो बिचमा केही म्युजिक भिडियो र ७/८ सर्ट मुभिमा काम गर्ने अवसर पाईन तर सोचेजस्तो भने त्यहाँ पनि भेट्टाइनन । प्रोड्युसरले ६र७ दिन सुटिङमा सँगै बस्नुपर्छ घर आउन जान मिल्दैन भनेपछि उनले त्यो प्रस्ताव इन्कार गरिन त्यसपछि उनले अभिनय गरेका सर्ट मुभिलाई अर्को पात्र राखेर पुनः रि-सुटिङ गरेको उनले नमिठो अनुभव सुनाइन ।
एक समय कलाकारीता मेरो लागि होइन कि, म सक्दैन कि क्या हो जस्तो पनि बेलाबेलामा दुर्गालाई लागिरह्यो तर उनले हिम्मत हारिनन सुदूरपश्चिमका मेला महोत्सवमा नृत्य गर्दागर्दै बिस्तारै उनले आफ्नो परिचय बनाउँदै लगिन, केहिले चिन्न थाले, हौसला दिन थाले, त्यसपछि उनलाई कलाकारीताको नशा चढ्यो, सुदूरपश्चिम बाहिर जसरी पनि देशभर चिनिने भन्दै काठमाडौ जाने योजना बनाउन थालिन । काठमाडौ जाने त जाने तर कसरी जाने ? घरपरिवारसँग काठमाडौसम्म पठाउने भाडा समेत थिएन, दुर्गाले पछि आफू काठमाडौ जान्छु भन्दा बाआमाले सुरुमा प्रस्ताव मान्दै मानेनन् तर बिस्तारै उनले घरपरिवारलाई मनाइन जाँदा बाले ३०० सय रूपमा हातमा थमाइदिए त्यसले अब के गर्नु भाडा तिर्नु कि खाना खानु तर आफुले नृत्य गरेका केही ठाउँबाट १ हजार ५ सय बचाएकि रहिछन् र सपनाको शहर काठमाडौ हिडिन ।
ठुलो शहर, फराकिला सडक, नयाँ नयाँ मान्छे सब बिराना उनी आफू सुरुमा अक्क न पक्क परेको सम्झिन्छिन । न कोहि चिनेको छ,न खानाको टुंगो छ न त बस्न कै १५ दिनसम्म चाउचाउ र पानी खाएरै उनले काठमाडौमा बिताइन । पछि बिस्तारै चिनजान बढाउँदै लगिन,केही साथी बने र कोठासम्म खोजिन अनि अब यसरी हुन्न काम गर्नुपर्छ भनेर काठमाडौ थुप्रै कलाकारलाई गुहारिन तर सुरुमा कसैले पत्याएनन पत्याउन पनि कसरी किन कि उनको प्रतिभा कसैले देखेका थिएनन् । पछि आफूमा भएको क्षमता बिस्तारै अरुलाई देखाउँदै गइन र काम पाउन थालिन ।
अहिले दुर्गा लगभग व्यस्त नै हुन्छिन् काठमाडौमा, कहिले छिमेकी मुलुक भारतमा रहेका नेपाली दाजुभाइले आयोजना गरेका सांस्कृतिक कार्यक्रममा पुग्छिन, त कहिले देशका विभिन्न मेला महोत्सवमा । ३०० रूपमा बोकेर काठमाडौ हिडेकी उनी अहिले महिनाको ३० र ४० हजार मज्जैले कमाउने गरेको बताउँछिन । अभिनय सँगसँगै स्टेज कार्यक्रममा अफर बढी आउन लागेको उनी बताउँछन् । अहिले आफै गीत लेख्ने, म्युजिक भिडियोमा अभिनय गर्ने लगायत कलाकारितामै आफू व्यस्त रहेको दुर्गा भट्ट बताउँछन् । छोरी मान्छेलाई राम्रो भन्दापनि नराम्रो नजरबाट हेर्नेको जमात बढी रहेछ आफुलाई विभिन्न प्रलोभन आएपनी आफू त्यसबाट जोगिएको र सतर्क समेत रहेको उनको भनाई छ । हाल लोकदोहोरी प्रतिस्ठानकी सदस्य समेत रहेकी दुर्गा भट्ट आगामी दिनमा कलाकारिताबाटै अघि बढ्ने योजना रहेको बताउँछन् ।
