सुदुरपश्चिम प्रदेशस्तरीय महिला कबड्डी प्रतियोगिताको उपाधी कञ्चनपुरलाई

हेमन्त न्यौपाने 
पुनर्वास, फाल्गुन ०९
       सुदुरपश्चिम प्रदेशस्तरीय महिला कबड्डी छनौट प्रतियोगिताको उपाधी कञ्चनपुरले हात पारेको छ । कञ्चनपुरको पुनर्वास नगरपालिकामा मंगलबारदेखि सुरु भएको तीन दिने प्रतियोगिता आज समापन भएको छ । प्रतियोगितामा द्वितीय स्थान दार्चुलाले कब्जा गर्न सफल भयोभने, तृतीय स्थान कैलाली र बाजुराले सुरक्षित गर्न सफल भएको हो । कञ्चनपुरको पुनर्वास नगरपालिकामा आयोजना गरिएको प्रदेशस्तरीय महिला कबड्डी प्रतियोगितामा सुदुरपश्चिमका ८ जिल्लाले सहभागिता जनाएका थिए । आठौं राष्ट्रिय खेलकुद अन्तर्गतको यस महिला कबड्डी प्रतियोगिता फागुन ०७ गते देखि ९ गते सम्म पुनर्वासको ६५ बिगाहामा चलेको थियो ।

कार्यक्रमको उद्घाटन समारोहमा प्रमुख अतिथि प्रदेश सभासांसद तथा नेकपा सुदुरपश्चिम प्रदेश संसदीयदलका प्रमुख सचेतक तारालामा तामाङ हुनुहुन्थ्योभने समापन कार्यक्रममा प्रमुख अतिथि पुनर्वास नगरपालिकाका नगरप्रमुख जीवनराज थापा रहनुभएको थियो ।

कार्यक्रमका प्रमुखअतिथि पुनर्वास नगरपालिकाका नगरप्रमुख जिवन राज थापाले खेलकुद विकासमा पुनर्वास नगरपालिका सदैव अग्रसर रहेको बताउनुभयो । उहाँले खेलकुदलाई मनोरञ्जनको माध्यम मात्र नभएर ठाँउ, प्रदेश र देशकै नाम उच्च बनाउन महत्त्वपूर्ण भुमिका खेल्ने हुँदा खेलकुदको विकास गर्नुपर्ने धारणा राख्नुभयो ।

कार्यक्रमका सभापति सु प क्षेत्रिय खेलकुद विकास समितिका अध्यक्ष लाल बहादुर शाही, विशिष्ट अतिथिमा राष्ट्रिय खेलकुद परिषदका केन्द्रीय समिति सदस्य एकेन्द्र कुवँर रहनुभएको थियोभने कार्यक्रममा उद्घोषण नगर खेलकुद विकास पुनर्वासका सचिव लालमन तामाङले गर्नुभएको थियो ।