सुदुरपश्चिम प्रदेशस्तरीय पुरुष कबड्डी छनौट खेलको उद्घाटन

लाल बहादुर एसके
बेलौरी, फाल्गुन १० 

       कञ्चनपुरको बेलैरी नगरपालिकामा सुदुरपश्चिम प्रदेशस्तरीय पुरुष कबड्डी छनौट खेलको आज उद्घाटन भएको छ । सदरमुकाम केन्द्रित हुने छनौट खेलहरु यसपटकभने दुर्गम मानिएका ठाँउहरुमा समेत सञ्चालन भईरहेका छन । आज फाल्गुन १० गतेदेखि सुरुभएको छनौट प्रतियोगिता फाल्गुन १२ गते सम्म चल्नेछ । तीन दिने यस कार्यक्रममा प्रदेशभरका खेलाडीहरुले सहभागिता जनाएका छन ।

कार्यक्रमका प्रमुख अतिथि कुलवीर चौधरीले खेलकुद देशकै गर्वको बिषय भएकाले खेलक्षेत्रको विकास गर्नुपर्ने बताउनुभयो । कार्यक्रमका बिशिस्ट अतिथि बेलौरी नगरपालिकाका नगरप्रमुख पोतिलाल चौधरीले दुर्गम क्षेत्रमा खेलकुदको विकास हुनुमा संघीयता ल्याउन बलिदान गर्ने शहिदहरुको देन भएको जिकिर गर्नुभयो । उहाँले राष्ट्र निर्माणको लागि स्वास्थ्य र अनुशासित हुनअति अपरिहार्य रहेको बताउनुभयो । उहाँले खेलकुद क्षेत्रमा बेलौरी नगरपालिका कुनैपनि पक्षमा पछि नपर्ने बताउनुभयो । संघीयता आइसकेपछी मात्र सिहदरबारको अधिकारहरु गाउँ गाउँमा आएको उहाँले बताउनुभयो । 

विशिस्ट अतिथी धन बहादुर थापाक्षेत्रीले खेलमा एक पक्ष जित्ने भएकोले सम्पुर्ण खेलाडीहरु छनौट प्रतियोगितामा आउनुनै जित भएकोले अनुशासित भएरखेल खेल्नहुन आग्रह गर्नुभयो ।
खेलकुद क्षेत्रमा सुदुरपश्चिमको जोड्दार सहभागीता हुनुपर्ने कार्यक्रमका सभापति सुदुरपश्चिम खेलकुद विकास समितिका अध्यक्ष लाल बहादुर शाहीले बताउनुभयो ।
कार्यक्रममा पुनर्वास नगरपालिकाका नगरप्रमुख जीवनराज थापा, खेलक्षेत्रका बिशिस्ट व्यक्तित्व, खेलाडी तथा खेलप्रेमीहरुको उल्लेख्य उपस्थित रहेको थियो । पुनर्वास नगरपालिकामा हिजो मात्र महिला कबड्डी छनौट खेल सकिएको छ । जसमा कञ्चनपुरले प्रथमस्थान प्राप्त गरेको छ ।