हेमन्त न्यौपाने
पुनर्वास, चैत ०६
यतिखेर देशभर होलिको रौनकता छाएको छ । पहाडमा ६ गते र तराईमा चैत ७ गते होलि खेल्ने गरिन्छ । कञ्चनपुरको पुनर्वास नगरपालिका स्थित जनता बहुमुखी क्याम्पस कमिटीले भोलि चैत ७ गते ‘होलि विशेष कार्यक्रम’को आयोजना गरेको छ । कार्यक्रम पुनर्वास नगरपालिका प्रतिभानगर (टाउन)को खुल्ला मञ्चमा हुनेछ । दिउँसो १२ बजेदेखि सुरुहुने होलि कार्यक्रम सभ्य र शिष्ट व्यवहार सहित बेलुका ५ बजे सम्म खेलिने आयोजक कमिटीका सदस्य हिमेश थापाले बताए ।
होली करले होइन, रहरले मनाऔं, होली खेल्दा सभ्य तरिकाले खेलौं भन्ने आयोजकको आग्रह छ । अन्डा तथा फोहर पानीको प्रयोग नगरौं, कोही कसैलाई जबरजस्ती रंग तथा अविर नलगाऔं, चाडको बहानामा नसालु पदार्थ सेवन नगरौं, तीव्र गतिमा सवारी साधन नचलाऔं, सभ्य र शिष्ट व्यवहार गरौँ, दुर्घटनाबाट बचौं, होली पर्व सभ्य र सुरक्षित बनाऔँ भनी आयोजना कमिटीले सन्देश प्रवाह गरेको छ ।
आयोजक कमिटीका सदस्य थापाले होली पर्व माया, स्नेह र सद्भावको पर्व भएकोले कार्यक्रममा उपस्थित भई सभ्य र सद्भावपुर्ण तरिकाले होलि मनाउन सबै आमन्त्रण गरेका छन ।
No comments:
Post a Comment