पुनर्वास, फाल्गुन २५
पुनर्वास नगरपालिका वडा नम्बर ११ मा भोलि फाल्गुन २६ गते शहिद गोविन्द गौतमको स्मृतिमा एकदिने रक्तदान कार्यक्रमको आयोजना गरिएको छ । स्थानीय लालझाडी युवाक्लब ११ ले रक्तदान कार्यक्रमको आयोजना गरेको हो ।
शहिद गोविन्द गौतमको तेस्रो स्मृति दिवसका अवसरमा क्लबले रक्तदान कार्यक्रमको आयोजना गर्न लागेको यसअधि क्लबले गरेको पत्रकार सम्मेलनमा क्लबका अध्यक्ष कासीबोहराले जानकारी गराउनुभएको थियो । क्लबले गतबर्ष पनि शहिद गौतमको स्मृतिमा पेनाल्टी सुटआउट प्रतियोगिता गरेको थियो ।
पुनर्वास नगरपालिका वडा नम्बर ११ को राष्ट्रिय माध्यमिक विद्यालयमा विहान ११ बजे देखि रक्तदान कार्यक्रम सुरु हुने क्लबका उपाध्यक्ष तुलसी अर्यालले जानकारी गराउनुभएको थियो । उहाँले शहिदको सम्मान र रगत नपाएरै मर्नुपर्ने विरामीको सहयोगका निम्ति रक्तदान गन योग्य सबैले रक्तदान गर्न आग्रह गर्नुभयो । शहिद गोविन्द गौतमको स्मृति दिवस पुनर्वास नगरपालिकाले नगरपालिकाको सभाहलमा एक कार्यक्रम गरि मनाउने भएको छ । २०७३ साल फाल्गुन २६ गते पुनर्वास वडा नम्बर ४ को आनन्दबजारमा भारतीय एसएसबीको गोलि लागि स्थानीय गोविन्द गौतमको मृत्यु भएको थियो ।
No comments:
Post a Comment