पुनर्वास, फाल्गुन २२
कञ्चनपुरको पुनर्वास नगरपालिका छैटौं लालझाडी कप फुटबल प्रतियोगिता हुने भएको छ । विगतका वर्षहरुमा झै यस बर्षपनि लालझाडी युवाक्लब ११को आयोजनामा ठुलो धनराशीको फुटबल प्रतियोगिता हुन लागेको छ । बुधबार पत्रकार सम्मेलन गर्दै क्लबले प्रतियोगिता चैत १ गते देखी १० सम्म चल्ने जानकारी गराएको छ ।
१६ टिमको सहभागिता रहने प्रतियोगितामा नक आउटको आधाारमा खेलाईने क्लबका अध्यक्ष काशीराम बोहराले बताए । फुटबल प्रतियोगिता, क्रीकेट प्रतियोगिता, पेनाल्टी सुटआउट, रक्तदान लगायतका खेल तथा रचनात्मक कार्यगर्दै आईरहेको लालझाडी युवाक्लब ११ले शहिद गोविन्द गौतमको स्मृतिमा फाल्गुन २६ मा रक्तदान कार्यक्रमको आयोजना गरिएको पत्रकार सम्मेलनमा अध्यक्ष बोहराले जानकारी दिए ।
क्लबका अध्यक्ष बोहराले प्रतियोगिताको छैटौं संस्करणमा प्रथम पुरस्कार १ लाख ५० हजार साथमा शानदार ट्रफी र द्वितीय पुरस्कार ७५ हजार साथमा शानदार ट्रफी प्रदान गरिने जानकारी गराए । त्यस्तै, उत्कृष्ट खेलाडी, उत्कृष्ट गोल किप्पर, उत्कृष्ट रक्षक, उत्कृष्ट मिड फिल्डर, सर्वाधिक गोलकर्ता, उदयमान खेलाडीहरुलाई अलगअलग पुरस्कार राशि राखिएको पत्रकार सम्मेलनमा जानकारी दिए ।
No comments:
Post a Comment