नेपालमा कोरोना संक्रमितको संख्या १४०१ पुग्यो

काठमाडौ, १७ जेठ ।
नेपालमा कोरोना संक्रमितको संख्या १४०१ पुगेको छ । आज एक सय ८९ जनामा कोरोना संक्रमण पुष्टि भएसँगै कोरोना संक्रमित व्यक्तिहरुको संख्या एक हजार चार सय एक पुगेको स्वास्थ्य मन्त्रालयले जनाएको छ।
मन्त्रालयका अनुसार राष्ट्रिय जनस्वास्थ्य प्रयोगशाला काठमाडौँ, विभिन्न प्रादेशिक प्रयोगशाला र अस्पतालका प्रयोगशालामा गरिएको परीक्षणमा आज मात्रै एक सय ८९ जनामा कोरोना पुष्टि भएको हो । देशभरीमा दुई सय १९ जना कोरोनालाई जितेर डिस्चार्ज भईसकेका छन्।
अहिलेसम्म प्रदेश १ का ९ जिल्लाका एक सय ६०, प्रदेश २ मा ८ जिल्लाका ५ सय ४७, बाग्मतीका १२ जिल्लाका ४५ जना, गण्डकीका ५ जिल्लाका २० जना, प्रदेश ५ का नौँ जिल्लाका ५ सय ४७ जना, कर्णाली प्रदेशका तीन जिल्लाका ६१ जना र सुदूरपश्चिमका ७ जिल्लाका २१ ज्नामा कोरोना पुष्टि भईसकेको स्वास्थ्य मन्त्रालयका प्रवक्ता डाक्टर विकास देवकोटाले बताए।