कञ्चनपुर, १२ मङ्सिर ।
भिमदत्तनगर बजारमा टेलिकमको तारले घाँटीमा बेरीएको अवस्थामा एक युवकको शव फेला परेको छ । शुक्रबार भीमदत्त नगरपालिका ४ भानु पार्टी प्यालेसको नजिकै घाँटीमा टेलिकमको तार बेरिएको अवस्थामा अन्दाजी ३० वर्षीय पुरुषको शव फेला परेको हो ।
शुक्रबार बिहान भीमदत्त नगरपालिका ४ पूर्वपश्चिम राजमार्गस्थित भानु पार्टी प्यालेस नजिक घाँटीमा टेलिकमको तार बेरिएको अवस्थामा एकजना पुरुषको शव फेला परेको जिल्ला प्रहरी कार्यालय कञ्चनपुरका प्रवक्ता अमर बहादुर थापाले जानकारी दिए । उनले शवको अहिलेसम्म पहिचान हुन नसकेको बताउदै प्रारम्भिक अनुसन्धान भइरहेको बताए ।
‘आज बिहान घाटीमा टेलिकमको जस्तो देखिने तार बेरिएका एकजना पुरुषको शव फेला परेको छ,’ उनले भने ‘मृतकको अहिलेसम्म पहिचान हुन सकेको छैन । उनले आफै आत्महत्या गरे वा हत्या गरिएको हो त्यसबारे हामीले अनुसन्धान गर्दैछौ ।’
नेपाल टेलिकमको पोलबाट तानिएको तार घाटीमा बेरिएको र नटुटेको अवस्थामा रहेकाले उनको हत्या गरिएको हुनसक्ने अनुमान गरिएको छ ।
प्रहरीले घटनाको थप अनुसन्धानका लागि धनगढीबाट तालिम प्राप्त कुकुर मगाइने प्रहरीले जनाएको छ ।
No comments:
Post a Comment