पुनर्वासको खेलकुद विकासमा फुटबल खेलको महत्त्वपूर्ण योगदान छ : तारालामा तामाङ

पुनर्वास, मंसिर ०८
      खेलकुद भन्ने बित्तिकै स्वस्थ्य, मनोरञ्जन तथा समाजिक सद्भावलाई समेट्ने महत्त्वपूर्ण पाटोका रुपले बुझिन्छ । कञ्चनपुरको पुनर्वास नगरपालिकामा बर्षैभरी चाडपर्वहरुमा फुटबल खेलको आयोजना हुने गर्दछ । अझ भनौं पुनर्वासमाफुटबल खेलको निकै क्रेज छ ।

  यस पटक भने ख्रिष्टमसको अवसर पारेर इसाइ धर्मवलम्बीहरुले फुटबल खेलको आयोजना गरेका छन । यहि आइतबार देखि सुरु भएको खेलको उद्घाटन कार्यक्रममा पुग्नुभएका प्रदेश सभा सदस्य सांसद तथा नेकपा पार्टी सुदुरपश्चिम प्रदेश प्रमुख सचेतक समेत रहनुभएका तारालामा तामाङ पुनर्वासको सद्भावलाई अझै उचाई दिन फुटबलले समेत योगदान पुर्याएको चर्चा गर्नुभयो । उहाँले यस क्षेत्रमा फुटबलको निकै क्रेज रहेको स्मरण गर्नुभयो । इसाइ धर्मवलम्बीहरुको आयोजनामा सञ्चालन भएको यस कार्यक्रममा बोल्दै उहाँले सबै नेपालीले आफ्नो इच्छा अनुसारको धर्म मन्न पाउने अधिकार भएको हुँदा धार्मिक कारणले कसैलाई विभेद गर्न नहुने बताउनुभयो । उहाँले यस क्षेत्रबाट राष्ट्रिय स्तरका खेलाडी उत्पादनका लागि सम्बन्धित निकायमा पहल गर्ने बताउनुभयो ।

कालिका युवा क्लबको आयोजनामा आइतबारदेखि आईबिआरडीको ६५ बिगाहा क्षेत्रमा वडा स्तरीय खुल्ला पुरुष फुटबल प्रतियोगिता सञ्चालन भएको छ । खेलमा २० टिमले सहभागीता जनाउदै छन । विजेता समुहले नगद रु. ६१ हजार, मेडल र प्रमाणपत्र तथा उपविजेता समुहले नगद रु. ४१ हजार, मेडल र प्रमाणपत्र प्राप्त गर्ने छन ।

सुनौलो महिला कृषि सहकारी संस्थाको छैठौं बार्षिक साधारणसभा सम्पन्न

लाल बहादुर एसके
पुनर्वास, पुस ०७
    
      कञ्चनपुरको पुनर्वास नगरपालिका वडा नम्बर ६ मा अवस्थित सुनौलो महिला कृषि सहकारी संस्थाले आफ्नो छैठौं बार्षिक साधारणसभा शनिबार सम्पन्न गरेको छ । पुनर्वास नगरपालिका अहिले दुई दर्जन भन्दा धेरै सहकारी राम्रोसँग सञ्चालनमा छन । शनिबार नै पुनर्वास नगरपालिका वडा नम्बर ८ मा सानाकिसान सहकारी संस्था परासन शाखाले आफ्नो बार्षिक साधारणसभा कार्यक्रम सम्पन्न गरेको छ । 

चुलो चौकामा मात्रै सिमित हुने महिलाहरु हिजो आज सामाजिक परिवर्तनमा अगुवाको भुमिका पनि निर्वाह गर्दै छन् । चेतनाको कमीका कारण महिलाहरु पछि पर्ने मात्रै नभएर घरायसी कामधन्दामा मात्रै सिमित हुदै आएका थिए । मुलुक परिवर्तन सगै महिलाहरुमा पनि परिवर्तन हुन थालेपछि महिलाहरु पनि सामाजिक काममा अग्रसरता देखाउन थालेका छन् ।

पुनर्वास सहकारी संस्थाका अध्यक्ष परशुराम विकले सहकारीका माध्यमबाट महिलालाई सक्षम, क्षामता वृद्धि तथा आत्मनिर्भर बन्ने आधार बनेको बताउनुभयो । उहाँले सहकारीको प्रगतिको कामना गर्नुभयो । यसै सहकारीको बाल बचत समुहका पाँच जना उत्कृष्ट शैक्षिक सामाग्री प्रदान गरिएको छ । विभिन्न समुहबाट उत्कृष्ट ऋण कारोबार गर्ने ३ जनालाई सम्मान समेत गरिएको थियो । सम्मानित हुनेमा सुमित्रा अधिकारी, फुलमति सुनार, तुलसी थापा रहेका छन । यस संस्थालाई यस स्थान सम्म पुर्याउन योगदान पुर्याउने तीन जनालाई सम्मान गरिएको छ । सम्मान पाउनेहरुमा कोपिला बिक, गंगा रोकाया, पुर्णाकुमारी गुरुङ रहेका छन ।

कार्यक्रमको प्रमुख अतिथि पुनर्वास नगरपालिकाकी नगरप्रमुख शारदा बिष्टले सहकारीको माध्यमबाट आर्थिक असमानतालाई हटाई आत्मनिर्भरता प्राप्त गर्न सकिने हुँदा सहकारीको प्रगतिको कमना गर्नुभयो । सुनौलो महिला सहकारीको यस कार्यक्रमका लागि सभापतित्व सहकारीकी अध्यक्ष दुर्गा नेपाल गर्नुभएको थियोभने प्रमुख आतिथ्य पुनर्वास नगरपालिकाकी नगरउपप्रमुख शारदा बिष्टले गर्नुभएको थियो । त्यस्तै, स्वागत मन्तव्य कार्यपालिका सदस्य बिष्णु सिग्देलले दिनुभएको थियो । हिमचुली सगरमाथा सहकारी संस्थाका अध्यक्ष सोमराज बरालले शुभकामना मन्तव्य दिनुभएको थियो जेष्ठ नागरिक समितिका उपाध्यक्ष पदम बहादुर थापाले सहकारीलाई व्यवस्थापन गरेर लैजानुपर्ने बताउनुभयो ।

सहकारी एउटा यस्तो व्यवसाय हो जहाँ संयुक्त रुपमा सदस्यहरुद्वारा आर्थिक लगानी गरी सोमा व्यवसायवाट प्राप्त मुनाफा नियामनुसार वितरण गरिन्छ । एउटा अविच्छिन्न उत्तराधिकारीवाला, स्वायत्त, स्वतन्त्र र उद्यमशिल व्यवसायीक संगठन नै सहकारी हो । सहकारी एउटा यस्तो उद्यम पनि हो जसले सदस्यलाई सेवा प्रदान गदर्छ । यो पूँजीवाद र शोषणबाट मुक्तिका लागि आम जनताको संयुक्त प्रयास हो, जुन एकका लागि नभएर सबैका लागि हुने गर्दछ । हरेक नागरिकले यसको सदस्य बनेर योगदान गर्न एवं वितरीत सेवा ग्रहण गर्न सक्दछन् । यस्ता पवित्र योजना बोकेका पुनर्वासका केहि सहकारी संस्थाहरु भने अहिले उद्देश्य अनुसारका काम गर्न सकेकाछैन ।

रवि ओड: म्यादी प्रहरी देखि नेपाल आईडलसम्म

काठमाडौँ : कुनै समय म्यादी प्रहरीको जागिर खाने व्यक्ति नेपाल आईडल बनेका छ्न । उनी अरू कोही नभएर गरिबीसँग जुध्दै अनेक संघर्षका साथ हुर्किएका दोस्रो नेपाल आइडल बन्न सफल उनै रवि ओड हुन ।
नेपालको पश्चिमी सीमामा अवस्थति कञ्चनपुरको कृष्णपुर नगरपालिकास्थित टाउको निहुराएर छिर्न पनि मुस्किल पर्ने एउटा सानो टायलको झुपडीमा जन्मिएका थिए । उनै रवि, शुक्रबार पुल्चोकस्थित इन्जिनियरिङ कलेजमा भएको नेपाल आइडल सिजन २ को ग्रान्ड फिनालेका विजेता घोषित भए । वि.सं. २०५४ साल चैतमा टायलको त्यही सानो झुपडीमा जन्मिएका रवि बुवा राजेन्द्र र आमा उमा ओडका तेस्रो सन्तान हुन्।
उनका बुवा राजेन्द्र अहिले पनि भारतमा पालेको काम गर्छन्, परिवार पाल्नका लागि । रविका हजुरबुवा पहाडी जिल्ला छामबाट बसाइँ सरेर कञ्चनपुर झरेका थिए। रविका हजुरबुवा र बुवा जीविका चलाउने गतिलो स्रोत खोज्दै अछामको साँफेबगर नगरपालिका (साविक बुढाकोट गाविस) बाट कञ्चनपुर झरेका थिए ।
गरिबीकै कारण उनका बुवा र हजुरबुवाले भारतमै ‘पाले’को काम गरेर दुर्इ चार पैसा कमाउँदैछन् । कमजोर आर्थिक हैसियत भएका रविलार्इ उनको सपनाको उडान भर्न पैसाले रोकेन । हजुरबुवाको प्रेरणाले संगीतमा लागेका रवि यसअघि नै सेलिब्रेटी भइसकेका थिए । नेपाल आइडल सिजन २ को विजेता बनेसँगै अब आर्थिक रूपमा पनि उनको जिन्दगी फेरिएको छ ।
नेपाल आइडलको धनगढीमा भएको अडिसनमा पुग्नुअघि उनी गाउँमै हुने सांगीतिक प्रतियोगितामा भाग लिन्थे भने धनगढी पुगेर दोहोरी साँझमा गाएर पैसाको जोहो गर्थे। सुदूरपश्चिमबाट अन्तिम चारमा पुगेका एक्ला प्रतिस्पर्धी उनलार्इ जिताउन कर्णाली प्रदेश र सुदूरपश्चिम प्रदेशमा अभियान नै चलाइएको थियो । फाइनलमा जित्नका लागि भोटमात्रै निर्णायक थिएन, जजको पनि मन जित्दै उनले नेपाल आइडल सिजन २ मा आफूलार्इ सर्वोत्कृष्ट गायक सावित गरे ।
उनले आफ्नो क्षेत्रक देउडा गीतलार्इ नेपाल आइडलको मञ्चमार्फत् संसारभर फैल्याए । उनी देउडा जति सुमधुर गाउँथै उति नै पोख्त थिए पप र आधुनिक विधाका गीतमा पनि । संघर्षपूर्ण बाल्यकालबाट गुज्रिएका उनी जब गाउँथे सबैलार्इ बाँधेर राख्न सक्थे । संगीतको औपचारिक शिक्षा नलिएर पनि रविले 'ढुंगाको काप फोडेर पनि उम्रन्छ पिपल' भन्ने नेपाली भनाइलार्इ साँच्चिकै चरितार्थ गरिदिएका छन् ।
रविको जीवन कम्ता संघर्षपूर्ण थिए । उनी २०७० सालको संविधानसभा निर्वाचनमा म्यादी प्रहरी भएका थिए भन्दा जोकोहीले पत्याउँदैन । परिवार पाल्न र आफ्नो दैनिक खर्चका लागि उनी २०७० सालको संविधान सभा निर्वाचनमा म्यादी प्रहरी पनि बनेका थिए । उनले म्यादी प्रहरी बनेर राष्ट्रको सेवा त गरे नै त्यससँगै केही आम्दानी पनि गरे जसले उनको जीवन चलाउन केही समय सहज भयो ।
हजुरबाको प्रेरणाले बालकालदेखि नै गुनगुनाउने रविको गीत सुन्न उनलार्इ जन्म दिने आमा अहिले यो दुनियाँमा छैनन् । तर उनलार्इ जुन आमाले हुर्काइन् जन्म दिने आमाको कहिल्यै कमी हुन दिइन्न । भारतमा पाले बनेका बाबुले रविलार्इ जिताउन भोट माग्दै हिँडेका थिए । परदेशमा रहेका बुवाले यो खबर सुनेपछि पक्कै हर्षका आँसु बगाए ।

विद्युत सव स्टेशनका चौकिदारको मृत्युपछि सडक जाम, विद्युत सेवा अबरुद्ध

कञ्चनपुर
  नेपाल विद्युत प्राधिकरण लालपुर सव स्टेशनका चौकिदार चन्द्रदेव भट्टको आइतबार ट्रान्सफरमा जलेर मृत्यु भएपछि हत्या भएको भन्दै दोषिमाथि कारबाहीको माग गर्दै आफन्तले पुर्वपश्चिम राजमार्ग बन्द गरेका छन् । लालपुर सव स्टेशनबाट वितरण हुने विद्युत सेवा पनि बन्द भएको छ । विद्युत प्रशारण बन्द हुँदा कञ्चनपुरको दक्षिणी भेगको जनजीवन असहज बनेको छ ।

सव स्टेशनको ठुलो ट्रान्सफरमा उनी मृत फेला परेका थिए । विद्युत कार्यालय नजिकै रहेको मालिकार्जुन होटेलमा बिहान साढे पाँचबजेतिर चिया खाएर कार्यालय गएका भट्टको ट्रान्सफरमा जलेर मृत्यु भएको हो । भीमदत्त नगरपालिका–१९ बाँगफाँटा निवासी भट्टका आफन्तले सुनियोजित ढङगबाट उनको हत्या भएको आरोप लगाएका छन ।
मृतक भट्टका भतिजा कृष्णदेव भट्टले काकाको विद्युतकै कर्मचारीबाट हत्या भएको आरोप लगाए । ‘बिहान बाहिरबाट चिया खाएर भित्र पसेका चौकिदारलाई कसले ट्रान्समिटरमा चढायो ?,’ उनले प्रश्न गरे, ‘यो सरासर हत्या गर्ने षड्यन्त्र हो, उनलाई खालीखुट्टा विद्युतको ट्रान्समिटरमा चढाइयो किन ?’
भट्ट मृत फेला परे लगत्तै प्रहरीले कार्यालय प्रमुख पदम चन्द सहितका पाँच कर्मचारीलाई नियन्त्रणमा लिएको छ । तिलक स्वाँर, मिनराज भट्ट, महेश शाह, कमल सिह बडूलाई नियन्त्रणमा लिएको हो । मृतका आफन्तले उनीहरु हत्या भएको बताएपछि प्रहरीले सुरक्षा र सोधपुछका लागि भन्दै उनीहरुलाई नियन्त्रणमा लिएको हो । बिहान ९ बजेदेखिनै पुर्वपश्चिम महेन्द्रराजमार्ग बन्द गरिएको छ । आफन्तले शव पनि उठाएका छैनन् । कञ्चनपुर प्रहरीले घटनाबारे अनुसन्धान भइरहेको जनाएको छ ।

पुनर्वासमा प्रहरीको चेकजाँच: सेटिङ मिले पास नत्र पक्राउ

हाम्रै साझा पत्रिका
पुनर्वास, २९ मंसिर ।
  कञ्चनपुरको पुनर्वास नाकाबाट मात्र दिनहुुँ लाखौं रुपैयाँका ब्रोइलर कुखुरा भारतीय बजार देखि नेपाल भित्रने गर्दछ । यहाँका स्थानीय तथा व्यापारीले यस अबैध धन्दा बन्द गराउन निकै बल गरे तर यसको नियन्त्रण गर्ने निकाय नै सेटिङ मिलाउन पल्केपछी तस्करी नियन्त्रण हुने कुरै भएन । जनस्तरमा प्रहरीको चर्को बिरोध हुने गरेको छ । ईलाका प्रहरी कार्यालय त्रिभुवनबस्ती मातहतका प्रहरी चौकीहरु तथा इप्रका कै घुमावा प्रहरीहरु सीमा क्षेत्रमा सादा पोसाकमा घुमिरहन्छन । उनीहरुको काम तस्करको पहिचान गर्नु र सेटिङ दिनु मात्र हो । यस नाका हुँदै मानव बेचबिखन नियन्त्रण, अपराधीक क्रियाकलापको नीग्रानी तथा नियन्त्रणमा कुनै ध्यान दिएको पाइदैन ।  यसरी सीमा नाका कुरेर बस्ने घुमुवा प्रहरीलाई साना देखि ठुला ब्यापारीलाई लाइन दिएर तस्करी गराउन मै भ्याईनभ्याई हुन्छ ।

पुनर्वासका सीमा क्षेत्रसंग जोडिएका वडाहरु ४,६,७,८,९,१० र ११ नम्बर वडाका सानासाना बाटाहरु तथा नाकाहरुबाट दिनभर प्रहरीकै सेटिङमा अबैध तथा प्रतिबन्धित समान आयात हुन्छ ।  यसरी प्रहरीसंग सेटिङ गर्न नचाहानेहरु भने प्रहरी फन्दामा पर्छन अनि उनीहरुले ल्याएको समान जफत हुन्छ । तस्कर समात्यौ भनेर प्रहरीले सार्वजनिक गर्छ । यहि घटना आइतबार पुनर्वासमा फेरि दोहोरीएको छ । पुनर्वास नगरपालिका —११ स्थित अमरबस्तीबाट भारतीय प्रतिबन्धित कुखुरा सहित एक जनालाई प्रहरीेले पक्राउ गरेको छ । भारतको सीमावर्ती बजारबाट नेपाल भित्र्याउँदै गर्दा पुनर्वास नगरपालिका–११ अमरबस्तीकै चन्द्रबहादुर क्षेत्रीलाई करीव ४० केजी अबैध कुखुरासहित प्रहरी चौकी पचगडिया पराशनले पक्राउ गरेको हो ।

पक्राउ परेका कुखुरालाई स्थानीय, सरोकारवाला र पत्रकारको रोहबरमा शनिबार नै नष्ट गरिएको छ । भने पक्राउ परेका क्षेत्रीलाई नसिहत स्वरुप अब आइन्दा यस्ता गल्ती नगर्ने मौखिक शर्तमा छोडिएको प्रहरी चौकी पचगडिया पराशनका प्रहरी सहायक निरीक्षक मोहनकुमार सिंहले बताए । यसरी प्रहरीले तस्करलाई आस्रय दिँदा यहाँका व्यावसाय नै बन्द हुन पुगेको छ । कसैले पनि ब्रोइलर कुखुरा पालेर व्यवसाय गर्न सक्ने अवस्था छैन । उद्योग बाणिज्य संघ पुनर्वासले समेत प्रहरीलाई तस्करी नियन्त्रण गर्न पटकपटक पत्राचार गरेपनी तस्करी नियन्त्रण हुन सकेको भने छैन ।

पुनर्वासको एक सामुदायिक विद्यालयका अति विपन्न समुदायका बालबालिकालाई ज्याकेट वितरण

धन बहादुर बिक
पुनर्वास, पुस १
जिल्लाको दक्षिणी क्षेत्र अन्तर्गत एक सामुदायिक विद्यालयमा अाइतवार एक कार्यक्रम बिच १ सय २३ जना बालबालिकालाई न्यानो ज्याकेट वितरण गरिएको छ ।
       पुनर्वास नगरपालिका ८ मोतियाफाँटा स्थित श्री नव दुर्गा अाधारभुत विदयालयका दलित तथा अति विपन्न वर्गजा बालबालिकालाई काठमाण्डौमा रहेको फेद होप एण्ड लभ (एफ एच एल) संस्थाले १ सय २३ जना बालबालिकालाई जनहि एक एक थान न्यानो ज्याकेट वितरण गरेको हो  ।

  संस्थाका प्रतिनिधि प्रकाश तामाङ , जोयल गुरूङ समाजसेवी खडक तामाङ , वडा सदस्य दल बहादुर तामाङ , विदयालय व्यवस्थापन समिति अध्यक्ष लहविर सुनार तथा  अभिभावक को रोहवरमा उक्त ज्याकेट वितरण गरिएको थियोे ।
    मध्ये जाडो को समयमा न्यानो ज्याकेट पाएपछि विदयालयका बालबालिका हरू ले खुसी व्यक्त गरेका थिए । यस अघि पनि सोही संस्थाले गत बर्ष १ सय ८ जना बालबालिकालाई स्टेसनरी र झोला वितरण गरेको थियो ।

पुनर्वासका दलित नेताको निधन

धन बहादुर बिक
पुनर्वास, पुस ०१
       विगत केही महिनादेखि मुटुको रोगले पिडित  जिल्लाको दक्षिणी क्षेत्र पुनर्वास का दलित अगुवा नेता भक्त बहादुर बिक को शनिबार काठमाण्डौ स्थित उपचारक्रममा निधन भएको छ ।

  लामो समय पुर्व माअोवादी पार्टीमा जनयुद्ध कालमा भुमिगत जीवन विताउनुभएका ६४ बर्षिय बिक लाई हिजो नै काठमाण्डौ बाट पुनर्वास ल्याईएको थियोे भने अाइतवार उनको पार्थिक शरिरलाइ नेपाल कम्युनिस्ट पार्टीको झण्डा अोढाई सयौं जनाको उपस्थितिमा हार्दिक श्रद्धाञ्जली सहित पुनपा ८ स्थित जनजागरण सामुदायिक वन क्षेत्र नजिकै घाटमा अन्त्यष्टि गरिएको छ ।
बिकको पार्थिक शरिरमा नेकपा का केन्द्रीय सदस्य तथा प्रदेश नम्बर ७ का सांसद बिरभान चौधरी , पुनर्वास नगरपालिका प्रमुख जिवनराज थापा लगायत जिल्लाका नेता कार्यकर्ता हरूले पार्टीको झण्डा अोढाई श्रद्धाञ्जली व्यक्त गरेका थिए । पार्टीका जिम्मेवार नेता बिकको असामयिक निधनले पार्टीले ठुलो क्षति व्योहोर्नु परेको नेकपा का नेता वीर बहादुर थापाले बताए ।

२०३५ साल देखि तत्कालीन जनमोर्चा बाट राजनीति यात्रा सुरु गरेका बिक २०५२ साल देखि तत्कालीन नेकपा माअोवादि जनयुद्ध मा भुमिगत जीवन बिताउदै पुर्व मन्त्री लेखराज भट्ट को निकटतम रहि देशमा शान्ति पुनर्स्थापना पछि जनअान्दोलन ६२/६३ मा सिंगो दलित समुदायको तर्फबाट अगुवाइ मा प्रभावकारी भुमिका निर्वाह गरेको बारेमा उक्त श्रद्धाञ्जली सभामा उल्लेख गरिएको थियोे ।

बिकका दुई छोरा र एक छोरी मध्ये जेठा छोरा दिपक बिकको  जनयुद्धका क्रममा सहादत भएको र कान्छा छोरा भोगिन्द्र बिक पनि जनयुद्धमा तत्कालीन सरकारको नियन्त्रणमा २२ महिना जेल जीवन बिताएका हुन । अार्थिक अभावले राम्रो उपचार समेत गर्न नपाएका बिक पछिल्लो समयमा पार्ट पङ्तिबाटै अोझेलमा पर्दै  अाएका थिए ।

अपांगमैत्री गाउँपालिका निर्माणमा लालझाडी अग्रसर, अपांगता भएका व्यक्तिहरुलाई स्वस्थ्य सिविर सञ्चालन

रामसाया राना
लालझाडी, मंसिर २९
__________________________________________
      कञ्चनपुरको लालझाडी गाउँपालिका अपांगता भएका व्यक्तिहरु प्रति उदार देखिएको छ । गाउँपालिकालाई अपांगमैत्री स्थानीय तह बनाउने अवधारणा लिएर लालझाडी गाउँपालिका अघि बढेको छ । यस गाउँपालिकाले अपांगता भएकाहरुको सुची तयार गरि एक दिने निशुल्क स्वास्थ्य सिविर समेत सञ्चालन गरिसकेको छ । गाउँपालिकाको यस अभियानमा बहाइ समुदायले भरपुर सहयोग गरेको छ । विभिन्न सामाजिक कार्यमा सहयोग गर्दै आईरहेको बहाई समुदायले गाउँपालिकाको यस कार्यलाई पुर्ण साथ र सहयोग गर्ने बताएको छ ।

लालझाडि गाउँपालिकाको आयोजना र NNSWAको सहकार्यमा लालझाडी गाउँपालिका भरिका सबै अपांगता भएका व्यक्तिहरुका लागि यहि मंसिर २२ गते निशुल्क स्वास्थ्य परिक्षण शिबिरको सञ्चालन भएको थियो । कार्यक्रममा उनीहरुको लागि आवस्यक पर्ने सहायता सामाग्री समेत वितरण गरिएको छ ।  स्वास्थ्य सिविर सम्म आउनजानका लागि यातायातको छुट्टै प्रवन्ध समेत मिलाईएको थियो । गाउँपालिकालाई अपांगमैत्री गाउँपालिका बनाउने योजना अन्तर्गत अपांगता भएका व्यक्तीहरुको विवरण संकलन तथा उनिहरुको समस्या बुझ्ने र सोही  अनुसार सहयोग गरिने गाउँपालिकाका अध्यक्ष मदनसेन बडायकले बताए ।  सिंगो गाउँपालिकालाई अपांगमैत्री बनाउदै लैजाने प्रक्रिया सुरु भैसकेको अध्यक्ष बडायकले हाम्रै साझा पत्रिकालाई बताए ।

     “अपांगता भएका व्यक्तिहरुले पनि स्थानीय सरकार भएको प्रत्याभूति गर्न पाउनुपर्छ । गाउँगाउँमा सिंहदरबार भन्ने नारा सुनेका अपांगता भएकाहरुलाई नागरिकलाई उपेक्षा गर्न कदाचित सकिंदैन । लालझाडी गाउँपालिकामा अपांग भएकै कारण भोग्नुपर्ने विविध समस्याबाट मुक्त बनाउन गाउँपालिका प्रतिबद्ध छ, हामी यस अभियानम अधि बढीसक्यौं।” गाउँपालिक अध्यक्ष बडायकले बताए ।

एक दिनका लागि सञ्चालन गरिएको स्वास्थ्य सिविरमा ११० भन्दा धेरै अपांगता भएकाहरु व्यक्तिले सेवा लिएको लालझाडी गाउँपालिका प्रमुख प्रशासकीय अधिकृत शेर बहादुर बुढाले जानकारी गराए । उनीहरुको स्वास्थ्य समस्या अनुसार आवश्यक सहयोग सामाग्रीहरु ह्वेलचेयर, बैशाखी र अन्य सामग्रीहरु प्रदान गरिएको छ । स्वास्थ्य सिविरमा चेकजाँच गर्न आएका अपांगता भएका स्थानीयहरु स्वास्थ्य सरोकारसंगै अपांगता भएकाहरुको क्षमताको पहिचान गरी सोहि अनुसारको तालिम दिन जरुरी भएको बताउछन ।